ئاریەن

باڵیۆزی تورکیا لە عێراق بە نهێنی سەردانی خورماتووی کردوە

فاتیح یەڵدز، باڵێوزی توركیا له‌ عێراق ، سه‌ردانی شارۆچكه‌ی خورماتووی كردووه ‌، بەڵام جگە له‌گه‌ڵ قائیمقامی نوێی شارۆچكه‌كه کە لە نەتەوەی تورکمانە ، کەس ئاگاداری سەردانەکە نەبووە.

دوێنی‌، حه‌سه‌ن زه‌ین ئه‌لعابدین، له‌ بینای قائیمقامیه‌تی شارۆچكه‌ی خورماتووی سه‌ر به‌ پارێزگای سه‌ڵاحه‌دین، دوور لە چاوی کامێراکان لەگەڵ فاتیح یەڵدز‌ باڵوێزی توركیا لە عێراق کۆبووەتەوە.

لەوبارەیەوە سه‌ردار ئه‌حمه‌د ، ئه‌ندامی ئه‌نجومه‌نی شارۆچكه‌ی خورماتوو ، به‌ ڕۆژنیوزی وت : ئێمه‌ به‌ هیچ شێوه‌یه‌ك ئاگاداری هاتنی باڵوێزی توركیا نه‌بووین ، هەروەها هێمن به‌رزان، چالاكوانی مه‌ده‌نی لە خورماتوو،وتی ، ڕێگا نه‌دراوه‌ هیچ كه‌ناڵێكی ڕاگه‌یاندن ڕووماڵی هاتنه‌كه‌ی بكات”.

محه‌مه‌د مه‌حمود، كارگێڕی مه‌ڵبه‌ندی حه‌مرینی یه‌كێتی نیشتیمانی كوردستانیش وتی ، هیچ ئاگامان له‌ ناوه‌ڕۆكی كۆبوونه‌وه‌ی نێوان قائیمقام و باڵیۆزی توركیا نییه‌”.

حه‌سه‌ن زین ئه‌لعابدین، قائیمقامی شارۆچکەی خورماتوو له‌ سه‌ره‌تای ئه‌م مانگه‌وه‌ ده‌ست به‌كاربووه‌ و لە توركمانی شیعه‌ مه‌زهه‌به.