ئاریەن

٣هەمین کۆنفەرانسی کوردی فەیلی لە پارلەمانی ئەوروپا بەڕێوەچوو

لە ۳ هەمین کۆنفەڕانسی کوردی فەیلیدا، کە لە پارلەمانی ئەوروپا لە شاری برۆکسل دەیان کەسایەتی کوردی هەر چوارپارچەی کوردستان، ، عەرەب، ئەوروپی و ئەمەریکی بەشداران ولە سێ بەش یان پانێلدا پرسی فەیلیەکان تاوتوێ کرا.

دوێنێ دوای نیوەڕۆ لە بارەگاری پارلەمانی ئەوروپا، لە بڕۆکسلی پایتەختی بەلجیکا، بە دەستپێشخەری و سەرپەرشتی هەر یەکە لە، کۆنگرەی نەتەوەیی کوردستان-کەنەکە، فەراکسیۆنی سەوزەکانی لە پارلەمانی ئەوروپا، ئەنیستیتۆی کورد لە برۆکسل و چەندین ڕێکخراو و کەسایەتی کوردی فەیلی، ۳ هەمین کۆنفەرانسی دووەمی کوردی فەیلی دەستی بەکارەکانی کرد.
لە کۆنفرانسەکەدا، چەندین پەڕلەمانتار و ئەکادیمسیەنی ئەوروپی و ئەمەریکی، ژمارەیەک کەسایەتی عەرەبی، عەرەبی، پارلەمانتارانی کورد لە باشور و باکوری کوردستان و تورکیا، چەندین کەسایەتی سیاسی و مەدەنی هەر چوارپارچەی کوردستان و چەندین کەسایەتی نوێنەری ڕێکخراوەکانی کوردی فەیلی، بەشدارن.

لە کۆتایی کۆنفرانسەکەدا، ڕەوش و کەیسی کوردانی فەیلی، لە باشور و ڕۆژهەڵاتی کوردستان و بەتایبەتی لە وڵاتی ئێراق دەخرێتە بەر باس گفتوگۆ و لەو بارەشەوە چەندین ئاخێوەری کورد، عەرەب، ئەورپی و بیانی هەن.

لە پانێلی یەکەمی کۆنفەڕانسی ئەمڕۆدا، هەر یەکە لە پڕۆفیسۆر، ئەکرەم هەواس، کوردی فەیلی، زەینەب موراد، ئەندامی کەنەکە و پارلەمانتاری ئەوروپی لە سەر ڵیستی سەوزەکان، خاتوو بۆدل ڤالێرۆ ئاخاوتن.

لە پانێلی دووەمیشدا، هەر یەکە لە، ئەکادیمسیەنان، سەعدەدین ئیبراهیمی، لە زانکۆی ئەمەریکی قاهرەی مسر، پڕۆفیسۆر تۆماس شخێدنگەر و جەواد حەمەد ئەلسەعدی بابەتەکانیان لە سەر کوردی فەیلی پێشکەش کرد.

لە سێهەمی کۆنفەڕانس دا ، هەر یەکە لە، وریا قەرەداغی، ئەندام لە نەتەوەیگرتووەکان، سالار مەحود، ئەندام پارلەمانی ئێراق، چالاکی مافی مرۆڤ، ماهر ڕەشید،چالاکی فەیلی بابەتیان پێشکەش کرد.

فەیلیەکان، هەر لە سەرەتاکانی درووستبوونی دەوڵەتی ئێراقدا و دوای جەنگی جیهانی لە سایەی رێکەوتنی سایکس ـ پیکۆی ساڵی ١٩١٦دا رووبەڕووی کێشەو ئاریشەی پاکتاوکردن بوەتەوە،رژێمی بەعس دوژمنایەتی خۆی بەرامبەر کوردانی فەیلی بە ئاشکەراو لە رێگای هەڵسوکەوتی دڕندانەیان لە بەرامبەردا، مامەڵەی نامرۆڤانە لە دژیان بەکار هێنا. سزای توند وبەکۆمەڵ بە سەریاندا سەپێنرا، بە راگوێزانی زۆرەملێ و دوورخستنەوەو کۆمەڵکوژی و جینۆسایدکردنی رۆلەکانی کوردی فەیلی پیادە کرد.
سزایەکی دیکە کە فەیڵییەکان ڕووبەڕووی بوونەوە، لێسەندنەوەی ڕەگەزنامەی ئێراقی بوو. دوای لە دەستدانی رەگەزنامەی ئێراقی و دەستبەسەرداگرتنی بە گشتی ماڵومولکیان و لێسەندنەوەی دەکۆمێنتی یاسایی لە بارەی رەگەزنامەیی و موڵکداریدا، بە هەزاران لاو و گەنجی فەیلی خرانە زیندانەکانەوە و زیاتر لە ٢٢٠٠٠ بیست و دوو هەزار کەس لەوانە شوێبزرکران.
لە دوای دەرچوونی حوکمی دادگا بە پەیمانێکی حکومەتی عێراقی و بە بڕیاری ٤٢٦ ی ساڵی ٢٠١٠ بە لەناوبردن و سڕینەوەی هەموو ئاسەوارە ناشرینەکانی سەر کوردانی فەیلی بڕیاری لەسەر درا. بەڵام تا ئێستاشی لەگەڵدا بێت، فەیلیەکان بەشێکی زۆری موڵک و ماڵیان بۆ نەگەڕاوەتەوە و قەرەبووی مادی و مانەوی نەکراونەتەوە.