ئاریەن

شه‌ڕڤانێكی یه‌په‌ژه‌ له‌گه‌ڵ باوكی خۆی، له‌ به‌رخۆدانی عه‌فریندا شه‌هید بوو

یه‌په‌ژه‌ ڕایگه‌یاند له‌ «به‌رخۆدانی سه‌رده‌م»ی عه‌فریندا، شه‌ڕڤانێكی یه‌په‌ژه‌ له‌گه‌ڵ باوكی خۆی، له‌ ڕێی پاراستنی عه‌فرین شه‌هید بوون.

ناوه‌ندی ڕاگه‌یاندنی یه‌كینه‌كانی پاراستنی ژن – یه‌په‌ژه‌ به‌یاننامه‌یه‌كی بڵاوكرده‌وه‌ و ڕایگه‌یاند، به‌رخۆدانی سه‌رده‌م له‌ ڕۆژی ٥٢هه‌مینی خۆیدان به‌رده‌وامه‌.

یه‌په‌گه‌ ڕایگه‌یاند: له‌م به‌رخۆدانه‌دا ژماره‌یه‌كی زۆری قاره‌مان خۆیان كرده‌ قه‌ڵغان و به‌ ڕۆحێكی فیدایی و قاره‌مانانه‌ ده‌ركه‌وتن و داستان و ئه‌فسانه‌یان نووسییه‌وه‌.

یه‌په‌ژه‌ له‌ به‌یاننامه‌كه‌دا ئاشكرای كرد، له‌سه‌ر ڕێبازی غه‌ریب، ڕوومه‌ت، فیراز، ئه‌یلوول و تۆلهلدان، هاورێی ئێمه‌ ڕوهه‌ندا خه‌مگین له‌ كاتێكی جێبه‌جێكردنی ئه‌ركه‌كانیدا، كاتێك چاودێری شه‌ڕی عه‌فرینی ده‌كرد كه‌ ئامانج لێی قڕكردنی گه‌له‌كه‌یه‌تی، له‌ به‌ره‌ی جندرێس شه‌هید بوو.

«هاوڕێی ئێمه‌ ڕوهه‌ندا به‌ ڕۆحی گه‌نجانه‌ی خۆی، به‌ مۆڕاڵ و په‌یوه‌ستبوونی به‌ فه‌لسه‌فه‌ی ئازادی ده‌ناسرا. ئه‌و ڕۆحی وه‌ڵاتپارێزییه‌ی‌ كه‌ له‌ خانه‌واده‌ و ڕقی تۆڵه‌كردنه‌وه‌ی شه‌هیدان؛ له‌ خوشك و هاوڕێكه‌ی خۆی ده‌نیز خه‌لات كه‌ له‌ به‌رخۆدانی حه‌له‌بدا شه‌هید بوو، وه‌رگرتووه‌. له‌ ته‌ك باوكی خۆی (باوكی ئازاد) كه‌ به‌ وه‌ڵاتپارێز و په‌یوه‌ستی وه‌ڵاتی خۆی ناسرابوو، ده‌ستی له‌ خاك و گوندی خۆی به‌رنه‌دا و له‌ ته‌نیشت هێزه‌كانی پاراستن چه‌كی هه‌ڵگرت و وه‌ڵاتی خۆی پاراست. له‌ پاراستنی خاكی عه‌فریندا، له‌ ته‌ك كچه‌كه‌ی خۆی (هاوڕێی ئێمه‌ ڕۆهه‌ندا) شه‌هید ده‌بن.»

یه‌په‌ژه‌ له‌ درێژه‌ی به‌یاننامه‌كه‌یدا رایگه‌یاند: ئێمه‌ وه‌ك ناوه‌ندی ڕاگه‌یاندنی یه‌په‌ژه‌ به‌ڵێنی درێژه‌پێدانی ڕێبازی هاورێی خۆمان ڕۆهه‌ندا، مه‌زڵوم، ئه‌یلوول، ڕوومه‌ت و تۆڵهڵدان ده‌ده‌ین كه‌ له‌ ڕێی ڕاستیدا خۆیان فیدا كرد. سه‌ره‌خۆشی ئاراسته‌ی خانه‌واده‌كه‌ی ده‌كه‌ین. به‌و‌ ڕۆحی وه‌ڵاتپارێزییه‌ی «باوكی ئازاد» پیشانی داوه‌، به‌ڵێنی سه‌ركه‌وتن ده‌ده‌ین.