ئاریەن

بە رێوڕەسمێک رێز لە تێکۆشانی ژنانی چوار پارچه‌ی کوردستان گیرا

لە درێژەی چالاکیەکان بۆ پێشوازی لە ٨ی مارس رۆژی جیهانی ژنان، به‌ دروشمی بارین کۆبانێ له‌ سلێمانییه، رێز لە ژنانی تێکۆشەر لە هەر چوار پارچەی کوردستان گیرا.

 

لە درێژەی چالاکیە جۆراوجۆرەکان بەبۆنەی ٨ی مارس رۆژی جیهانی ژنان، پاشنیوەڕۆی ئەمڕۆ له‌ هۆڵی ئه‌منه‌سووره‌که‌ی شاری سلێمانی رێوڕەسمێکی ڕێزلێنان له‌ لایه‌ن ڕێکخراوی باران بۆ پرسی شه‌هیدان و ئه‌نفالکراوان به‌ هاوبه‌شی له‌گه‌ڵ ئینستتیوتی وۆرک بۆ ۲۱ ژنه‌ تێکۆشه‌ر، که‌ هێمان بۆ ٢١ تیشکی خۆری ئاڵای هه‌رێمى کوردستان ڕێکخرا.

 

لەوبارەوە ئاشتی عه‌بدوڵا سه‌رۆکى ڕێکخراوى ئه‌نستیتیوتى وۆرک، لە رێوڕەسمەکەدا وتی: شه‌ره‌فی ژن له‌ جه‌سته‌یدا نییه‌، به‌ڵکو شه‌ره‌فی ژن له‌ پاراستنی خاکه‌که‌یدایه‌، بۆیه‌ من پێموایه‌ یادکردنه‌وه‌ی ژنان و تێکۆشانى ژنان ته‌نیا به‌ مه‌راسیم نابێت، به‌ڵکو به‌ خه‌باتی جۆراوجۆر و پێکه‌وه‌بوونمان ده‌بێت.

 

دواتر له‌ مه‌راسیمه‌که‌دا یادی شه‌هیدانی چوار پارچەی کوردستان بەرز راگیراو رێز لە خەبات و تێکۆشانی ژنان لە ناوگرتوخانەی داگیرکەرانی کوردستان، گیرا.

 

لە رێورەسمەکەدا خەڵاتی تایبەت بەخشرایە ژنە گیراوی سیاسی کورد زەینەب جەلالیان، کە ساڵی ٢٠٠٧ بە تۆمەتی ئەندامبوون لە پژاک، لەلایەن هێزەکانی ئیتیلاعاتی ئێران لە کرماشان دەستگیر کرا و دواتر لە دادگایەکی حەوت خولەکیدا سزای لەسێدارەدانی بۆ بڕایەوە دوای ئەوە لە دادگایی باڵا سزاکەی بۆ هەتاهەتایی گۆڕدرا