ئاریەن

هەشتەمین خەڵاتی کلارا زەتکین بەخشرایە تەڤگەری ژنی ئازادی ئێزدی لە ئەوروپا

خەڵاتی ئەمساڵی کلارا زەتکین دابەشکراو تیایدا تەڤگەری ژنی ئازادی ئێزدی بە شایستەی خەڵاتی پڕۆژەکان زانرا.

 

بەپێی زانیاریەکان، هەشتەمین خەڵاتی کلارا زەتکین دابەشکراو تیایدا پارتی چەپگەری ئاڵمانیان دی لینک، تەڤگەری ژنی ئازادی ئێزدی لە ئەوروپا، تاژێ ئەوروپای بە شایستەی خەڵاتی پڕۆژەکان زانی و خەڵاتەکەیان پێ بەخشرا.

 

لەوبارەوە، هاوسەرۆکی دی لینک، کاتیا کیپینگ رایگەیاندووە، بەهۆی تێکۆشان و خاوەنداریان لەژنان، تاژێ ئەوروپایان بەشایستەی خەڵاتەکە زانیوە.

 

کیپینگ راشیگەیاندووە، تاژێ هاوکاری ژنانی ئێزدی کردووە تائەو گوشارە کۆمەڵایەتیەی لە ئەنجامی شەڕ تووشیان بووە کەمتر بێتەوە، هەروەها ئەو ئیرادەیان لەناو ژنانی ئێزدیدا دروست کردوە کە دەتوانن ببنە ژنێکی ئازاد و ژیانێکی ئازادیان هەبێت.

 

جێی ئاماژە پێدانە، خەڵاتی کلارا زەتکین، ساڵانە دەدرێتە پڕۆژە سیاسی، کۆمەڵایەتی و هونەری کە کار لەسەر پێشخستن وکارا کردنی ژنان لە بوارە جیاوازەکانی کۆمەڵگا دەکەن.