ئاریەن

بە ڤیدیۆ..لە گۆڕەپانی بەرخۆدان شەرڤانان زرێپۆشێکی سوپای تورکیایان تەقاندەوە

ناوەندی ڕاگەیاندن و چاپەمەنی یەکینەکانی پاراستنی گەل-یەپەگە ڕایگەیاند، ئەمرۆ شەرڤانانی لە گۆڕەپانی بەرخۆدان لە میحوەری بلبلێ سەر بە عەفرین زرێپۆشێکی سوپای تورکیایان کردووەتە ئامانج و تێکیانشکاندووە و دیمەنی چالاکیەکەی بڵاو کردەوە.

 

شایانی باسە لەسەرەتای دەستپێکردنی هێرشی سوپای تورکیا و چەتەکانی بۆ داگیرکردنی عەفرین، شەرڤانانی یەپەگە و یەپەژە و هەسەدە، دەیان تانک و زرێپۆش و ماشێنی ڕێگا و بانی سوپای تورکیایان کردووەتە ئامانجی چالاکیەکانیان و تێکیانشکاندووە.

 

ئەمەش لەکاتێکدایە، شەرڤانان بە تێکشکاندنی تانکەکانی سوپای تورکیا هەم ڕێگریان لە پێشڕەویی سوپای تورکیا و چەتەکانی کردووە و هەمیش زەبرێکی قورسیان لە ئابوری دەوڵەتی تورکیا داوە.